طريقه انشاء حساب حساب اعلانى ممول ميتقفلش على الفيس بوك 2016

طريقه انشاء حساب  حساب اعلانى ممول ميتقفلش على الفيس بوك 2016

اول حاجه تعمل ايميل رسمى على دومين بتاعك باى اسم هديلك مثال

انا املك مثلا الموقع ده www.domain.com هعمل ايميل عليه باسمى مثلا ahmed@domain.comتانى حاجه هتعمل حساب فيس جديد بالايميل اللى عملته وتخلى البلد دولة من دول :
( الامارات - قطر - البحرين - السعودية )
وتعمل فى بيانات الحساب انك owner للموقع بتاعك وانت بتملى بيانات الوظيفه
ثالث حاجه وسيلة الدفع تكون Cashu فقط وعن تجربه متربطش اى فيز
رابعا اعلاناتك لازم تكون فاهم شويه فى الاعلان على الفيس بيبقى عامل ازاى وهديلك نبذه مش شرح كامل :

1- الصور : الكتابه عليها متتخطاش 20% من مساحة الصوره عشان يتقبل الاعلان بسرعه ويشتغل ويفضل لو الصوره بدون كتابه تبقى ريحت نفسك .

2- كل ما البوست بتاعك حقيقى ومفيهوش غش كل ما كان تقييم الاعلان ايجابى فهيستمر ويجيبلك نتائج عاليه اما لو غش او تضليل هتلاقى كم ريبورتات كتير على الاعلان كفيل يقفلك اتخن حساب مهما كان قديم جديد

3- استخدم صور عاليه الدقه تريح العين وتجذب اللى بيشوف الاعلان 

4- ابعد عن جمل الشحاته وانك تحاول تشتغل اللى هتشوف الاعلان لان الناس من كتر التكرار مبقتش غبيه وبقت تطنش دلوقتى وفهمت مش زى زمان .

5- حاول تعمل فكره جديده فى الاعلان من دماغك متقلدش وتكون اتحرقت قبل كده فى اعلانات كتير عشان اللى شاف الاعلان هيمل فلو شافه تانى منك مش هيتفاعل معاه وهيرميه ففكر فى شئ جديد يجذبه وشئ صادق ومتحسسوش انك بتسرقه او بتغشه

ملحوظه مهمه : مفيش فرق بين حساب ممول قديم وجديد فى الفيس اللى يقولك الكلام ده وببيع حساب قديم قوله الله يحنن احمد بيقولك مفيش الكلام ده واتغطى كلوا خاضع تحت قوانين الفيس وملوش كبير الا لو كنت partner ومفيش الكلام ده فى المجتمع العربى .